Wezîrê Karan ê Teberî Heîko Maasî rojnameyê Bîld Am Sonntagî reyde qisey kerd û vat ke rîyê hêrişanê dewleta Tirkî yê verba Vakur û Rojakewtena Sûrîye ê do destûr nêdanê ke çekê bînê bêrê rotene.

La yena zanayene ke mabênê Çile Adara 2018 de wexto ke Efrîn amebi îşxalkerdene Almanya bi qasî 243 mîlyon eûro çekî rotibi Tirkîya. Par zî Almanya de 4 menganê peyênan ê na serre bi qasî 184 mîlyon eûro çek rotibi Tirkîya. Heman wextî de nêna zanene ke mabênê Gulane û Teşrîna Verêne de zî çiqas çekî rotêne Tirkîya.