Heyeto ke Wekîlê DEM Partî Kamuran Tanhan, keyeyanê rojnamegeran Nazim Daştan û Cîhane Bîlgîn, endamanê Komeleya Rojnamegeran a Dîcle-Firatî (DFG), Komeleya Huqûqnasan a Seba Azadîye (OHD) û MEBYA-DERî ra yeno pê seba ke cenazayanê Nazim û Cîhane bigêro waştbi ke derbazê Başûrê Kurdîstanî bibo. La heyet Berê Sînorî yê Xabûrî de amebi vindarnayene. 

Rêxistina DEM Partî ya Şirnexî û Wekîla DEM Partî ya Şirnexî Newroze Uysal Aslan heyet zîyaret kerd û waşt ke betanîya bidê ci. La selahîyetdaranê berê sînorî bi bahaneya 'qedexeyî' destûr nêda.

Heyet paweno ke ber abibo û ê derbazê Başûrê Kurdîstanî bibo.