Qezaya Karazî ya Amedî de perey operasyono leşkerî dîya destpêkerdene. Çarçewa operasyonî de dewa Xewrê de 8 dewijî pê îşkenceyî ameyî destbendkerdene.

Goreyê zanayîşanê ke ameyî girewtene leşkeran ke dormeyê dewe girewt anons kerd û pê vatişê ''eke şima teslîmê mebê do şima ser o guleyan bivarnê'' şar tehdît kerd. Leşkeranê ke yew bi yew keyeyan de cigêrayîş kerd badê hîrê saetan  Salîha, Rojda, Ubeydullah û Veysî Narîn û çar kesê ke anmeyê înan nêame zelalkerdene, pê îşkence û tehdîtan destbend kerdî. Rojda Narîn verê domananê xo yê wirdîyan de raştê îşkenceyî ameye. Kesê ke ameyî destbendkerdene Qereqolê Cendirmeyan ê Qeza de yenê tepiştene.