Qezaya Farqînî ya Amedî de vizêr şan noqtaya polîsanê hêzê taybetî ya taxa Mescîdî de teqayîşêk ame meydan. Serebûtî ra dima xeylêk wesayîtê zirxînî yê polîsan sewqê herême ameyî kerdene. Dîya zanayene ke serebût pê teqaberê destî (EYP) ameyo kerdene.

Bi bahaneya teqayîşî serê sibayî Farqîn de sereştişan de 6 kesî ameyî destbendkerdene û ameyî berdene bi Mudirîya Asayîşî ya Farqînî.

Îstanbul de zî kesê bi nameyê Taylan Kulaçoglu dima ke semedê vilakerdişanê medyaya dîjîtale ra ame destbendkerdene hetê mehkeme ra cade tepişîya.