Amed de ewro serkêşîya Platformê Dezgehanê Demokratîkan de bi şîarê ''Ma vera komployî xover danê, semedê azadîye Amed de yenê têhet'' mîtîng ame organîzekerdene. Verê mîtîngî Meydanê Îstasyonî gerîya binê ablûqa. Naye sero şar xeylêk nuqtayanê bajarî de ame têhet. Nê cayan ra yew zî Semtê Ofîsî bi. Vervatoxê HDKyî Cengiz Çiçek, Hemserekê DBPyî Çîgdeme Kiliçgun Uçar  û Keskîn Bayindir, Hemserekê Pêroyî yê DEM Partî Tuncer Bakirhan û Tulaye Hatimogullari û bira Abdullah Ocalanî, Mehmet Ocalan  Ofîs de tewrê têhetameyîşî bîyî. Rixmê astengîya polîsan hemserekî tîya qiseykerdişê xo domnenenê.

Verê Çend Amedî zî xeylêk kesî ameyî pêser  û vera astengkerdişê polîsan nêrazîbîyayîş mojna ra. Şarî bi slogananê  “Bijî Serok Apo” û “Bê Serok jiyan nabe” dest pê rayraşîyayîşî kerd. Kuçeyanê bînan ra zî rayraşîyayîşî dest pê kerd. Polîsan hêrişê şarî kerd.

Her warê Rezanî zî açarîya warê têkoşînî. Kuçeyan ra sloganê "Bijî Serok Apo" û  "Jin, jiyan, azadî" benê berz. Xeylêk kuçeyan de rayraşîyayîşê azadîye yeno kerdene.

Sûr û Yenîşehîr de  zî ciwanan bi nîşanê serkewtişî û deyîranê kurdkî dest pê rayraşîyayîşî kerd.Şar astengkerdişan nêsarisneno. Kuçeyê Amedî bi sloananê sık "Bijî Serok Apo", "Bijî berxwedana İmralı" û "Bijî berxwedana zindanan'' zimenî.

Şaro ke Mêrdîn û Şirnêxî ra semedê Rayraşîyayîşê Azadîye kewt rayîr,resa qezaya  Xana Axparî ya Amedî. Şaro ke tîya raştê astekîya polîsan ame ver bi merkezê Amedî bi deyîraynê kurdkîyan dest pê rayraşîyayîşî kerd.

Kesê ke Riha ra kewtî rayîr nuqtaya polîsan a Pirinçli de ameyî vindarnayene. Şar naye sero peye dest pê rayraşîyayîşî kerd. Şar bi slogananê ''Ma do bi têkoşînî ser bikewê'' û "Bijî berxwedana İmralı" qîreno.