Ewro bi şîarê 'Vera komployî ma xo ver danê, seba azadîye Amed de yenê têhet' mîtîng est o. Xeylê şaristanan ra şar ver bi Amedî herikîyeno. Polîsî bi hawayêkê sîstematîkî şarî asteng kenê.

Polîsî bi bahaneya qedexeyanê walîtîyan girseyan asteng kenê.

Êlih de çalakîkeran vera astengîya polîsan bi sloganan dest pê çalakîya roniştişî kerd. Hemserekê DEM Partî yê Êlihî Mustafa Mesut Tekîkî bi qiseyê ''Qedexeyê Walîtîya Amedî seba êlihî derbazdar nîyo.''

Sêrt de şar hetê polîsan ra vejîyayîşê şaristanî de ame vindarnayene. Şarî bi govenda 'azadîye' polîsî protesto kerdî. 

Şarê Elkê yê Şirnexî serê sibayî resa Amed û Meydanê Şêx Seîdî de kom bi. Kome hetê polîsan ra bi zorî şaristanî ra ameye teberkerdene. 

Wan de Parka Îpeke de vera astengîya polîsan bi sloganan çalakîya roniştişî yena kerdene. Hemserekê DEM Partî yê Wanî tîya de vat: ''No qedexe vera haştîye yo. Bê wedarîyayîşê tecrîdî çareserîye mumkîn nîya.''

Şaristanan de bi waştişê haştî û azadîye çalakîyî dewam kenê.

Hetê bînî ra bi hezaran kesî Amed de bi beşdarîya Wekîlanê DEM Partî de taxa Fatîhî ya qezaya Rezanî de seba mîtîngî kom bîyî.