Amed de siba do aktîvîteyê Hewteyê Heqanê Merdiman dest pê bikerî
Amed de bi wesîleya Hewteyê Heqanê Merdiman 10-17ê Kanûne de aktîvîteyê sey ramotişê fîlman ê ke muhîmîya heq û azadîya merdiman qal kenê do bêrê organîzekerdene.
Amed de bi wesîleya Hewteyê Heqanê Merdiman 10-17ê Kanûne de aktîvîteyê sey ramotişê fîlman ê ke muhîmîya heq û azadîya merdiman qal kenê do bêrê organîzekerdene.
Hewteyê Heqanê Merdimano ke her serre bi aktîvîteyanê bitewiran 10-17ê Kanûne de yeno pîrozkerdene, emser zî bi aktîvîteyanê Komela Heqanê Merdiman (ÎHD) Beşê Amedî, Baroya Amedî, Weqfê Heqanê Merdiman ê Tirkîye (TÎHV) yê Temsîlkarîya Amedî, Komela Însîyatîfê Heqî ya Temsîlkarîya Amedî û Odeya Tebîban a Amedî (DTO) yeno pîrozkerdene.
Startê nê hewteyî do Parkê Koşuyoluyî de verê Abîdeyê Heqanê Merdiman de do bi eşkerayîyêka hempare bidîyo.
Çend aktîvîteyê ke do çarçiwaya pîrozkerdişê nê hewteyî de bêrê viraştene wina yê:
10ê Kanûne 2018 – Dişeme
Eşkerayîya çapemenî ya hempare
Saet 12.00 – Parkê Koşuyoluyî
Hadrekerdox: Hem sazîyî
11ê Kanûne 2018 – Sêşeme
Ramotişê belgfîlmî û dîrektorî reyde qiseykerdiş
Fîlm: Kuyu (Bîr) Dîrektor: Veysî Altay
Saet: 17.00 – Tîyatroyê Bajarî yê Amedî
Hadrekerdox: Beşê ÎHDyî yê Amedî
Kîşta nê aktîvîteyan de 12ê Kanûne de seba binpaykerdişê heqan ê tepişteyan vernîya Zîndanê Girewteyî yê Tîpê Eyî yê Amedî de eşkerayîyêk bidîyo. 13ê Kanûne de do fîlmê Bîra Mi têtin yê Selîm Yildizî ramojîyo. Roja 14ê Kanûne de programê Vîrardişê Tahîr Elçî, 15ê Kanûne de hetê merdimanê vîndîbîyayeyan ra çalakîya roniştişî û heman roje de seba halê tepişteyan panelêk û 16ê Kanûne de zî eşkerayîyêka paştîdayîşî ya seba Amedsporî bêro dayene.