Amed de vengdayîşê 'mîtîngê haştîye' yê 4ê êlule

Platformê Kede û Demokrasî yê Amedî vera xîretê astengkerdişê 'mîtîngê haştîye' yê 4ê êlule nêrazîbîyayîşê xo mojna û venga şarî da ke heman roje tewrê mîtîngî bibo.

Platformê Kede û Demokrasî derheqê mîtîngê 4ê êlule de Egitim-Sen de eşkerayîya çapemenîye daye ke mîtîng bi wesîleya 1ê Êlule Roja Haştîye ya Dinya do bêro kerdene.

Sekretera Odaya Muhendîsanê Makîna (MMO) ya Amedî Arîne Zumrut eşkerayîye wende.

Zumrute da zanayene ke muracatê înan ê semedê mîtîngî ame betalkerdene û vera ney nêrazîbîyayîşê xo mojna. Zumrute vat: ''No heqê ma yo sîyasî û demokratîk o. Ma wazenê vajê ke bira betalkerdişê mîtîngî raşt nîya. Ganî waştişê haştîye nêro astengkerdene. Wa şarê ma 4ê êlule de tewrê mîtîngî bo.''

Nameyê Komîteya Amadekare ser o Mehmet Ceylanî zî pê şîarê 'Wextê ci yo ke ma haştîye biqîrê' venga pêro amedijan da ke 4ê êlule de saete 16:00 de verê ACZ Plaze de kom binê û tewrê eşkerayîya çapemenîye bibê.''