Amed de serkeşîya DBP, TJA û DEM Partî de çalakîya "Têhetameyîşê Azadîye û Edaletî" ameye kerdene. Çalakîy de cezayê Dewaya Kobanê ameyî protestokerdene.

Hemserekê Pêroyî ya DBPyî Çîgdeme Kiliçgun Uçar û Keskîn Bayindir û Hemsereka Pêroyî ya DEM Partî Tulaye Hatimogullari zî tede bi bi seyan kesî verê banê DBPyî de ameyî têhet. Warê çalakîye ra sloganê “Bijî berxwedana zindanan” bîyî berz. Çalakîye de fotografê sîyasetmedaranê tepişteyan ameyî kiriştene û fîtik û tîlîlîyan qerarî ameyî protesokerdene.

Tulaye Hatimogullari nê vatî:"Embazanê ma wextê mahkeme de o nê pawit, înan têna vera rejîmê faşîstî demokrasî, heqê merdiman, heqê uya, heqê şarê kurdî, heqê elewîyan û şaranê cîya cîyayan pawitî. Înan cinîyî pawitî, xoza pawit, heqê kedkaran, karkeran pawitî. Embazanê wina yew pawitiş kerd ke 100 serrî cuwa pê fakulteyanê huqûqî de sey derse eşkeno bêro dayene. Embazanê ma bado ke ceza girewt sereberz mesajê xurtkerdişê têkoşînî dayî.Ma nika kampanyayêke daye destpêekrdene. No qerar huqûqî nîyo, sîyasî yo. Ma reyna vanê na dewa dewaya qesasî ya. AKPyo ke bi sîyasetî nêeşkeno ma bin bifîno vano qey bi na dewa eşkeno ma rê çok bido dayene. La HDP û dostê ci, hêzê demokrasîyî Tirkîya çirey çok nêdanê. Seba ke ma vera qirkerdişan xover da înan Dewaya Kumpasî ya Kobanê hazir kerd. Na dawa semedê ma bêmana ya, ma nas nêkenê. Heta azadkerdişê embazanê ma, kampanya û têkoşînê ma  do dewam bikero."