Riha û Amed de di domanî raştê guleyan ameyî. Domanan ra yewî dinyaya xo bedilnaye yew zî birîndar o.

Qezaya Pirsûsî ya Riha de domano 8 serre Mert Y. gama ke  baxçe de fistiqe arêdayêne raştê guleyî ame. Guleyo ke nêzanîyeno ke ça ra ameyo îsabetê sîneyê ey kerd. Mert Y.yo ke birindar ame berdene nêweşxane tîya dinyaya xo bedilnaye. Derheqê serebûtî de cipêrsayîş dîya destpêkerdene.

Qezaya Baglarî ya Amedî de zî kesêkî kuçe de tifing şuxulna, guleyî îsabetê domanê bi nameyê Melîh B.yî kerd. Domano ke zanîyê xo ra  birndar bi, nêweşxane de yeno tedawîkerdene. Derheqê hêrişkarî de cipêrsayîş dîya destpêkerdene.