Hemserekanê DEM Partî yê Amedî Gulşene Ozer û û Abbas Şahînî bi wesîleya 1ê Êlule Roja Haştye ya Dinya eşkerayîye daye. Kombîyayîşo ke banê partî de ame kerdene wekîlî Adalete Kaya û Sevîlaye Çelenk zî tewrê ci bîyî.

Mîtîngê Amedî do Meydanê Şêx Seîdî de bêro kerdene. Verê ci zî do verê  AZC Plaza ra ver bi meydanî rayraşîyayîş bêro kerdene.

Abbas Şahînî vat: ''No welat hewceyê haştîye yo. Polîtîkayê şerî yê îqtîdarî her roje rewşe xirabêre kenê. Tecrîdê tesîrê her kesî keno. Ma tecrîdî red kenê. Semdê haşîye û çareserkerdişê meseleya kurdan ganî tecrîd bêro şiknayene. Nê semedî ra ma veng danê ke wa her kes siba tewrê rayraşîyayîşê ma bibo.''

Adalete Kaya zî vist vîrî ke Tirkîya çend şino şerî de zafêr pere xerc kena û vat: '21ê êlule firsetêko ma vengê haştîye biresnê her hetê komelî. Aktorê verên ê haştîye Abdullah Ocalan o. Ganî tecrîd bêro şiknayene û semedê çareserkerdişê meseleya kurdan gamî bêrê eştene. Ma gama verêne 1ê êlule de bierzê. Ma siba vejîyê waran û pêro pîya waştişê xo yê haştîye bîyarê ziwan.''