Platformê Paştîdayîş û Pawitişî yê Bajarî yê Amedî seba mexdûran erdlerzî, Mereş û Semsûrî rê 5 tirî malzemeyê hewcedarîye û 300 zerrîwazî û 60 muhendîsî erşawitî.

60 Muhendîsî Erşawîyayî

Odaya Mîmar û Muhendîsan ke girêdayeyê TMMOBî yê, seba ke tespîtê hasaran bikerê û xebata gêrayîş û xelisnayîşî de hetkarî bikerê Mereşî rê 45, Semsûrî rê zî 15 muhendisî erşawitî. Bi beşdarîya zerrîwazîyanê neweyan do na hûmare vêşî biba.

Hetê bînî ra Mudurîya Derûver û Şaristanawanîye ya Amedî, Amed de xebatê tespîtkerdişê hasaran da destpêkerdene. Odayê girêdayeyê TMMOBî beşdarê xebata tespîtkerdişê hasaran bîyî