Şaristanê Amsterdamî yê Hollanda û şaristanê Stockholmî yê Swêdî de tecrîdê vera Rayberê Şarê Kurdî Abdullah Ocalanî ame protestokerdene.

Amsterdam de bi desan kurdîstanijî tewrê çalakîye bîyî. Çalakîye de fotografê Rayberê Şarê Kurdî ameyî akerdene û sloganê 'Bijî Serok Apo' ame vatene. Polîsan waşt ke çalakîye sabote bikerê la raştê nêrazîbîyayîşê girseyî ameyî. 2 kesî çalakîye de ameyî derbkerdene û destbendkerdene. 

Stockholm de bi posteranê Rayberê Şarê Kurdî derheqê tecrîdê Îmraliyî de bi vilawekan agahîyî ameyî dayene. Çalakîye de ame waştene ke wa Konseya Ewropa û Yewîya Ewropa cade vera tecrîdî têbigêrê.