Anqara de vizêr bi hawayêkê hemwextî hêrişê Cemxaneyê Ana Fatma, Şahê Merdan, Komeleya Dewa Gokçebali û Weqfa Elewîyanê Bektaşîyan a Terekeme ame kerdene.

Hêrişê vera Weqfa Elewîyanê Bektaşîyan a Terekeme de cinîyêke bi kardî birîndar bîye û wedarîyaye nêweşxaneyî. Bi kerrayan hêrişê beranê rêxistinanê elewîyan ame kerdene.

Serekê Komele Mustafa Karabudakî verê cemxaneyî de bi kilmî qisey kerd û vat ke îqtîdar tim elewîyan keno hedef. Karabudakî vat: ''Ewro roja yewine ya menga Muharemî ya û nê hêrişî ameyî kerdene. Nê hêrişê hemwextî mojnenê ke nê ameyê plankerdene. Îqtîdar nê hêrişan ra mesuldar o. Ma gerreyê hêrişkeran kerd. Ganî îqtîdar nê hêrişkeran bivîno. Ma sey dezgehanê elewîyan heta serê sibayî kombîyayîşî bikerê û dima eşkerayîye bidê.''

Serekê PSAKDyî Cuma Erçe û Endamê Heyetê Îdareyî Turgut Okerî zî cemxane zîyaret kerd. Wekîlanê HDPyî Tulaye Hatîmogullari û Muratb Çepnî zî şîyî Cemxaneyê DADî û derheqê hêrişan de agahîyî girewtî.