Antalya pê bahaneya şewatî hêrişê nîjadperestî zêdîyayî. Nîjadperestê tirkî taxan û qezayanê şaristanî de binê kontrolê dewlete de nasnameyanê şarî kontrol kenê.

Nîjadperestan vizêr Manavgat, Gazîpaşa û Alanya de rayîrî birnayî û hêrişê xeylêk kesan kerd. Şewa sêşemeyî nîjadperestan mewkîya TOKîyan de rayîrê Hemserekê HDPyî yê qezaya Doşemaltiyî Mehmet Denîzî birna.

Mehmet Denîzo ke otogarî ra ameyêne nîjadperestan o vindarna û nasnameyê ci waşt ke kontrol bikerê.

Denîzî da zanayene ke di kesan werteyê rayîrî de, destê înan de fenerî o vindarna. Denîzî pare kerd ke komêka bi 20 kesan dormeyê wesayîtê ci girewt û nînan ra 18 tenan de çeke estbîye.

Denîzî vat: ''Mi vat ez şina keyeyê xo. Înan adresê keyeyê mi, nasnameyê mi waşt. Mi vat hetê mi de nîyê. Mi vat 'Şima leşker nîyê, polîs nîyê, no çi yo?' Înan zî vat 'Armancê xo ma zanenê, şima nêzanenê.' Dima înan rayîr da ke ez şora.

No provakasyon o. Eke çîyêk bibo ma pêroyînan rê beno. Ma heman qeza de ciwîyenê.''