Kurtulmuş: Prosesêkê neweyî dest pêkerd, berpirsîyarîye meclîs de ya
Serekê Meclîsî Numan Kurtulmuşî badê pêvînayîşê ke rayberê MHPyî Devlet Bahçelîyî de derheqê prosesî de kerd, vat ewro ra tepîya berpirsîyarîye meclîs de ya.
Serekê Meclîsî Numan Kurtulmuşî û Serekê Pêroyî yê MHPyî Devlet Bahçelîyî meclîs de hendê 25 deqayan pêvînayîş kerd.
Badê pêvînayîşî kombîyayîşê çapemenîye yo hempar ame kerdene. Kurtulmuşî vat bitaybetî badê vengdayîşê Rayber Apoyî yê 27ê sibate û qerarê kongreya PKKyî prosesê neweyî dest pêkerd.
Kurtulmuşî nê vatî: "Seba ke no proses eşkera verê çimanê şarê ma de ser bikewo berpirsîyarîye hinî meclîs de ya. Gerek meclîs de bi temsîlîyetê pêro partîyan komîsyonêk bêro ronayene. Ez hêvî kena ke meclîs do berpirsîyarîya xo bîyaro ca û netîceyo rind bêro girewtene. Nê demê ke herême de zaf bedilnayîşî benê, verê Tirkîya de firseto tarîxî est o. Semedê nê firsetî berpirsîyarîya sîyasetî ra wêter hewce kena. Ez hêvî kena pêro destê xo kenê binê kerra û berpirsîyarîya xo anê ca. Berpirsîyarîye meclîs de ya. Ez veng dana partîyanê sîyasîyan ke wa berpirsîyarîya xo bîyarî ca."
