Merkezê Îrtîbatî û Çapemenîye yê HPGyî nasnameyê di şehîdanê Zap û Metîna eşkera kerdî û şarê kurdî ra serweşîye waşte. Eşkerayîye wina ya:

‘’1ê gulana 2025î de herêma Metîna de embazê ma Şîyar Cizîr û 25ê gulane de Herêma Şehîd Delîlî ya Rojawanê Zapî de embazê ma Baran Çiya hêrişê dewleta tirke ya îşxalkere de, mewzîyanê xoverdayîşî de şehîd bîyî.

Ma soz danê ke têkoşînê embazanê ma yê şehîdan biresnê serfîrazîye, vîrameyîşanê înan bipaqê û armancanê înan bîyarê ca. Nê esasî ser o ma keyeyanê embazanê xo yê ercîyayeyan rê, şarê Cizîra Botanî û Kobanê rê û pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Şîyar Cizîra Botanî de dadîya  xo ra beno. Embazê ma beno şahîdê xoverdayîşê vera DAÎŞî û 2014 de Botanî ra tewrê gerîlayan beno. O derbazê Herêmanê Pawitişî yê Medya beno û tîyade perwerde vîneno. Embazê ma Rojawan, Başûr û Şingal de vera hêrişanê DAÎŞî têkoşîn keno. O beno fermandarêko xozayî. O tim tecrubeyanê xo embazanê xo de zî pare keno û Metîna de tunelanê şerî de xoverdayîşêkê xurtêrî rê serkêşîye keno.

Embazê ma Baran Kobanê de dadîya xo ra beno. O wextê hêrişanê DAÎŞî de tewrê xoverdayîşî beno. Embazê ma Şingal de zî vera DAÎŞî şer keno û 2015 de zî verê xo dano koyan. Embazê ma koyan de her hetî ra xo hîna aver beno, pêro erk û mesuldarîyanê xo bêkêmasî ano ca. O çalakîyanê serkewteyan de serkêşîye keno û derbanê giranan dano dişmenî ro. Embazê ma Warê Xoverdayîşî yê Girê Amedîyê de dafikêka namerde ya dewleta tirke ya îşxalkere de şehîd beno.’’