Serekwezîrê Armanîstanî Nîkol Paşînyanî bado ke welat de rewşa îstîsnayî îlan kerde û semedê seferberîye veng da, şar tewrê serferberîye beno.

Badê eşkerayîya serekwezîrî Partîya DASNAKî Meydanê Hîraparakî yê Erîvanî de masaya seferberîye ameye ronayene. Şar muracatê ci keno û tewrê seferberîye beno.

Hemwelatîyê ke tewrê seferberîye bîyî Meydanê Hîraparakî de ANFyî rê qisey kerd û nê mesajî dayî:

''Azerbaycan no şer da destpêkerdene. Ma do xover bido û sey şarî nê şerî de ca bigero. No do peynîya Azerbaycan bo, ma do ser bikewê.''

Selahîyetdarê Partîya DASNAKî û organîzatoranê vengdayîşê seferberîye ra Sargisyan zî vat: ''No şer hetê dewleta tirke ra ame organîzekerdene û destpêkerdene. Dewleta tirke dişmeno hempar yê şarê armanî û kurdan o. ma sey şarî vera înan şer kenê. Ez pê bawera ke ma do gird qezenc bikerê.''

Seferberîye û îdareyo pêt hetê Meclîsê Armenîstanî ra bi roniştişê taybetî sey fermî ame îlankerdene.