Asim Demîr (66) o ke Zîndanê Espîye yê Gîresunî de tepişte yo, rixmo ke cezaya ci qedîyaya vera nêdîyeno. Demîro ke 30 serrî yo tepişte yo, seba ke tedaya poşmanîye ya Heyetê Îdare û Çimdarîye yê Zîndanî red keno reya diyîne înfazê ci ame taloqkerdene.

Asim Demîr 1992 de amebi destbendkerdene, 40 rojan nezaret de mendbi û dima zî bi îdîaya 'xerakerdişê yewî û yewbîyayîşê dewlete'  hetê Mehkemeya Asayîşê Dewlete ra amebi tepiştene. Demîr 2 serran Mûş de, Dîlok de 13 serran, Mîdyad de 5 serran, Ordu de 8 serran mend û 2021 de surgunê Zîndanê Espîye ame kerdene. Demîr seba ke ferzkerdişê poşmanîye qebul nêkeno menga adare û hezîrane de di reyî înfazê ci ame taloqkerdene.

Cinîya Asim Demîrî Hesîye Demîr ard ziwan ke îdareyê zîndanî Demîrî rê tedayêka girane keno û bi hawayêkê neheqî mêrdeyê ci vera nêdîyeno. Demîre vat: ''Ganî na bêhuqûqîye cade biqeda. Mêrdeyê mi 30 serrî yo zîndan de yo û cezaya ci qedîyaye. Ferzkerdişê poşmanîye vera rûmetê merdimatîye yo. Ganî pêro tepişteyî cade vera bidîyê.''