Tepişteyê dewaya PKK û PAJKî 27ê teşrîna peyêne ya 2023yî ra nata seba azadîya Rayberê Şarê Kurdî Abdullah Ocalanî û çareserîya meseleya kurdan grevê vêşanîye de yo. Tepişteyan 4ê nîsane de safhaya diyîne ya grevê vêşanîye daye destpêkerdene.

Hemvervatoxê Komîsyonê Zîndanan ê ÎHDyî Yusuf Erdoganî derheqê grevê vêşanîye de ANFyî rê qisey kerd.

Erdoganî pare kerd ke Komeleya Heqanê Merdiman (ÎHD) seba caardişê waştişanê tepişteyan mîyanê xîretan de ya û vat: ''Ma sey ÎHDyî grevê vêşanîye yo ke zerar dano weşîya tepişteyan tesdîq nêkenê la ma waştişanê tepişteyan meşrû vînenê. Her roje teda û tecrîdê zîndanan zêdîyenê. Tepişteyî goreyê Qanûnê Bingeyî û qanûnanê dewlete, peymananê mîyanneteweyîyan wazenê ke wa tecrîdê Îmraliyî bêro wedaritene. Waştişê înan heqdar o.''

Erdoganî vat: ''Sey avûkatanê heqanê merdiman ma vanê ke tecrîd metodêkê îşkenceyî yo ke ganî bêro wedaritene. Seba awankerdişê haştîya komelkîye ganî tecrîdê vera zîndananê Tirkîya bi taybetî ê Îmraliyî wa biqedo.''