Karkerê madenî seba ke endamê Sendîkaya Karkeranê Madenî ya Xosere bîyê karî ra ameybî vetene. Xoverdayîşê karkeranê madenî dewam keno. Wayîrê madenan Fernas Holdingo ke patronê ci Wekîlê AKPyî Ferhat Nasirogluyî yo, tim hêrişê xoverdayîşê karkeran keno.

Avûkatê karkeranê madenî Mursel Underî derheqê babete de ANFyî rê qisey kerd.

Underî ard ziwan ke Fernasî heqê endamîya sendîkayan ê karkeran binpay kerdo, pêro teklîfê pêvînayîşan red kerdê la medyaya dîjîtale de vato ke 6 karkeran ra ber berê ci pêro karkeran rê akerde yo.

Underî îfade kerd ke Wekîlê AKPyî Nasirogluyî pozîsyonê xo yo sîyasî seba menfaetanê şexsîyan şuxilnayo û xeylê îhaleyî dewlete ra girewtê.

Underî dîyar kerd ke karkerê madenî heta ke waştişê nînan nêrê qebulkerdene xoverdayîşê xo rê dewam bikerê û ê waştişanê xo de hesas ê. Underî vat: ''Karkerî wazenê ke wa meaşê nînan bêrê zêdekerdene, tedaya vera sendîka biqeda, karkerî wa bieşkê abigêrê karê xo û qanûnê seba weşîye û asayîşî bêrê caardene.''