Avûkatanê Rayberê Şarê Kurdî seba pêvînayîşî reyna muracat kerd
Avûkatanê Rayberê Şarê Kurdî Abdullah Ocalanî yê ke bi serran o nêeşkenê muwekîlê xo bivînê, semedê pêvînayîşî reyna muracatê Serdozgerîya Komare ya Bursa kerd.
Avûkatanê Rayberê Şarê Kurdî Abdullah Ocalanî yo ke 1999î ra nate Îmrali de binê tecrîd de yeno tepiştene, Razîye Ozturk, Faîk Ozgur Erol, Rezan Sarıca ve Cengiz Yurekli seba ke muwekîlê xo reyde pêvînayîş bikerê, reyna muracatê Serdozgerîya Komare ya Bursa kerd.
Pêvînayîşê telefonî yê Rayberê Şarê Kurdî ke 25ê adare de birayê xo Mehmet Ocalanî reyde kerd nêmcet mendbi. Hela ke înan qisey kerdêne telefon bîryabi.
Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi. Cewab nêdîyeno muracatê pêvînayîşan.
