Patronê Şîrecî Tekstîlî Ahmet Şîrecîyo ke mîyanê nê hîrê serran de teyna 9 hezar û 431 lîra bac dayo çar mengî yo bi bahaneya qijbîyayîşî xeykêk karkeran karî ra vejeno.

Karkeranê tekstîlî xo resna ANFyî û da zanayene ke heta ke ê gerreyî nêkerê fîltreya pakîkerdişî nêvurîyena, awa fabrîkaya şîrkete nêwerîyena, werdî nêwerîyenê. Karkeran pare kerd ke seba ke awe depoyanê pîlan ra yena ganî tim fîltreya awe bivurîya la fabrîka ney nêkena.

Karkeran pê hesna ke werdê nînan bêkalîte yê û boya pîse werdî ra yena. Karkeran dîyar kerd ke mîyanê werdî ra mês, mûy ûsn vejîyenê.

Patron Ahmet Şîrecî bi teşwîqê dewlete bacî kêm dano. Rojnameyê Evrenselî manşetê xo de dabi ke Ahmet Şîrecîyî mîyanê nê hîrê serran de teyna 9 hezar û 431 lîra bac dayo.