Înîsîyatîfê Şarî yê Demokratîkî yê Edeneyî bi fîşeganê hewayîyan û bi slogananê “Bijî Serok Apo” serragêrayîşê 40. yê PKKyî pîroz kerd.

Ciwanê ke mehlayanê Denîzlî û Şakîrpaşayê pabesteyê qezaya Seyhanî de ameyî têhet vejîyayî serê rayîran û posterêkê pîlî yê Rayberê Şarê Kurdî Abdullah Ocalanî akerd.

Ciwanî kuçeyanê mîyanênan de raye ra şîyî û bi slogananê “Bijî Serok Apo” numayîşê fîşeganê hewayîyan viraştî.

Cayo ke aktîvîte tede amî viraştene hetê polîsan ra bi wesayîtanê zirxinan gîrîya ablûqa.