Aydar û Ehmedî seba xurtkerdişê têkoşînî veng da
Hecî Ehmedî û Zubeyîr Aydar şîyî serdena çalakwananê grevê vêşanîye yê Strasboûrgî û uca vengdayîş kerd ke bi çalakîyan têkoşîn bêro xurtkerdenene.
Hecî Ehmedî û Zubeyîr Aydar şîyî serdena çalakwananê grevê vêşanîye yê Strasboûrgî û uca vengdayîş kerd ke bi çalakîyan têkoşîn bêro xurtkerdenene.
Endamê Konseya Rayberîya Têgêrayîşî ya Cimatê Azad û Demokratîke ya Rojakewtena Kurdistanî (KODAR) Hecî Ehmedî, endamê Konseya Rayberîya KCK'yî Zubeyîr Aydar û endamê Konseya Rayberîya KNK'yî Refîq Xefûr, roja 63’ine de şîyî serdena xoverdayoxanê grevê vêşanîye yê Strasboûrgî.
Hemserekê Kongreya Cimatî ya Demokratîka Kurdan ê Ewropa (KCDK-E) Yuksel Koç û endamê KNK'yî akademîsyen Kardo Bokanî ra vera Aydar, Ehmedî û Xefûr şîyî.
EHMEDÎ: TARÎXÊKO NEWE DEST PÊKERD
Endamê heyetê rayberîya KODAR'î Hecî Ehmedî wextê serdane de qisey kerd û ard ziwan ke xoverdayoxanê grevê vêşanîye çareserîya persêka Kurdî de tarîxêko newe dayo destpêkerdene. Hecî Ehmedî ard ziwan ke, tecrîd do bi xoverdayîşî bişikîyo û vat, “Ma pê bawer ê ke nê çalakî do ser bikewê.“
AYDAR: REYA VERNÊN A KE WINA VENGO BERZ VEJÎYENO
Zubeyîr Aydarî zî bale ante muhîmîya grevanê vêşanîye ser û vat ke reya verên a ke wina vengo berz vejîyeno. La no qîm nêkeno ganî ma bi çalakîyan paştî bidê grevan û xoverdayîşî hina gird bikê. Aydarî ard ziwan ke tecrîd şexsê Ocalanî de heme Kurdan rê beno û vat ke bi yewbîyayîşî şar eşkeno tecrîdî bişikno.‘‘
Bi nameyê çalakwanan Yuksel Koçî zî ard ziwan ke bi paştdayîşê şarî vengê grevanê vêşanîye vila beno û vat ke heta ke tecrîd mero şikitene do vernîya qirkerdişan nêgêrîyo. Koçî ard vîrî ke sere de Leyla Guvene û Nasir Yagiz rewşa weşîya çalakwanan merhaleya krîtîke de ya û waşt ke hema erey nêbîyo şar bi çalakîyan xoverdayoxan rê wayîr bivejo.