Wekîlê HDyî yê Çewlîgî Erdal Aydemîrî Meclîs de qisey kerd û de pare kerd ke 3 serrî yo her roje tax û dewanê merkezê Çewlîgî de awe yena birnayene. Aydemîrî derheqê babete de vernîyazêkê persan pêşkêşê Wezîrîya Karanê Zereyî kerd.

Aydemîrî vat: ''Taxanê Yenî, Kultur, Bahçelîevler, Yenîşehîr û Kaleonuyî û dewanê merkezê Çewlîgî de 3 serrî yo her roje, saetanê tewr girîngan de awe yena birnayene. Çewlîg pê kanîyanê xo yê awe şinasîyeno la şaristan de vera awe birîyena. Hemwelatîyî vanê ke rixmo ke awe vera birîyena faturayê awe zî zaf yenê. Rixmo ke roniştoxanê taxan verî na rewşe protesto kerdbî netîceyêke nêviste destî. Birîyayîşê awe zaf zehmetî dano şarê ma.''

Aydemîrî nê persî pers kerdî;

1-Sebebê birîyayîşê awe çî yê?

2-Seba çareserkerdişê na mesele şima do xebatêke bikerê?

3-Îdareyê Herêmîyî derheqê birîyayîşê awe de sebebêk mojna, derheqê na babete de şima do tehqîqatêkî bikerê?

4-Rixmê birîyayîşê awe zî faturayê awe zaf yenê. Şima do faturayan ser o cigêrayîşêkî bikerê?