Hetê rejîmê AKP'yî ra qezayanê Aydin û Êlîhî de operasyonê qirkerdişê sîyasîyî ameyî viraştene û doman zî mîyan de xeylî Kurdî ameyî destbendkerdene.

Aydin

Qezayanê Efeler û Koşkî yê Aydinî de,  sereştişê  destê şodirî de endamê HDP'yî zî tede nêzdîye 30 kesî ameyî destbendkerdene . Ame zanayene, mîyanê kesanê ke ameyê destbendkerdene de domanêk zî esto. Seba ke Newroze de îşaretê serkewtişî kerdo ameyî destbendkerdene. Nameyê çend kesanê ke ameyî destbendkerdene wina yê: "S. Şimşek (16), M. Aktavşan (17), S. Guler (17)."

ÊLîh

Qezaya Hezo ya Êlihî de zî eskeranê Tirkî eşt serê 2 dewan û 2 taxan. Dewa Neweye de Serkan Altan, dewa Aynhîsanê de bi nameyê Zekî, taxa Gaze Tope de Naîr Barlîk û taxa Tepecîkî de zî Aydin Ariturk ameyî destbendkerdene. Her çar kesî ameyî bi berdene bi Fermandarîya Cendirmeyan a Bajarê Êlîhî.