Bajarekê Perî yê Dêrsimî de îtîrazê AKPyî ser o bire dîyaye ke weçînayîş newe ra do bêro kerdene.

Selahîyetdaranê AKPyî îdîa kerd ke sindoqa taxa Orsî de pusulayê weçînayîşî nêdîyayê 20 weçînitoxan û ney zî netîce vurnaya. Na îdîa ser o Heyetê Weçînayîşî yê qeza bire daye ke 2yê hezîrane de Perî de newe ra weçînayîş bêro kerdene.

Perî de namzedê CHPyî 471 rayî, namzedê AKPyî 467 rayî û namzedê DEM Partî Orhan Çelebîyî 276 rayî girewtbî.

Perî de 2019 de Çelebî sey şaredarî amebi weçînayene la herinda ey de qeyûm amebi tayînkerdene.