Hemsereko Pêroyî yê DEM Partî Tuncer Bakirhanî beşdarê kombîyayîşê şarî yê qezaya Kerboranî ya Mêrdînî bi. 

Bakirhan hetê konvoyêkê şarî ra bi coşî dekewtişê qeza de ame pêşwazîkerdene.

Bakirhanî kombîyayîşê şarî de qisey kerd û Orhan Dogan û Garîbe Gezer yad kerdî. Bakirhanî vist vîrî ke 30 serrî verî Kerboran de 7 domanî hetê JİTEMî ra ameybî qetilkerdene û vat ke ê do qetî hesabê ney bipersê.

Bakirhanî vat: ''Ma do 31ê adare de bi rayanê xo cewab bidê ê kesan û ê hêzan lle îradeyê şarê kurdî diznenê. Raya ma seba ma ya. Êyê ke mîyanê sîstemê ma de kurdan înkar kenê la bîyê namzed ma ra nîyê. Êyê ka ma ra yê, tîya de yê. Ma do raya xo bidê birayê Garîbe, embazê ma Ramazan. Ma do raya xo bidê embazanê ma Ahmet û Devrîme. Tîya de çinarêk estb o (Ahmet Tuk). Ey sîyasetî ra fek vera nêdayo; çunke vano 'heta meseleya kurdan çareser nêba ez nêwazena fek tira vera bida.' Ma ey emanetê şima kenê.''

Qiseykerdişan ra dima buroyê weçînayîşî ame akerdene.