Hemserekê Pêroyî yê Partîya Demokrasîyî û Têdûştîye ya Şaran (DEM Partî) Tuncer Bakirhanî Colemêrg de vera xespkerdişê îradeyî qisey kerd.

Bakirhanî nê vatî: ''Îqtîdarî rixmê heme hîlê û zextê xo Colemêrg de weçînayîş de bin kewt. No şar şima nêwazeno, no şar şima red keno. No şar zîhnîyetê qeyûmî red keno.  Şar hemşaredarê xo vîjneno, şima vera îradeyê ci qeyûm ca kenê. Ma se bikerê? Kurd wa se bikero, colemêrgij wa se bikero?Eşkera vejê colemêrgij hemwelatî nîyo, raya ci nevîyartbar a.

Şima do pîya bi zîhnîyetê xo yê qeyûmî û polîtîkayanê xo yê faşîzanan na herre ra vejîyê, şirê. Colemêrgî bi hîrê wekîlan dersa tewr pîle daye şima. Colemêrg Koyê Sumbulî yo, sey Sumbulî sereberz û bianor o. Şima eşkenê Sumbulî na cografya ra biesterî?  Sey Sumbulî şima nêeşkenê kurdan zî îradeyê ci zî na herre ra bi zulm û qeyûmî biesterî. Qirşûqale eşkena herikîyayîşê Zapî vindarno? Kurdî sey Sumbul  û Zap ê bi qirşûgale nînê vindarnayene. No herikîyayîş do dewam bikero.  Heta ke haştîye û edalet bêrê na herre, heta ke şima îradeyê şarê kurdî nas bikerê no şar sey Zapî do tim têkoşînê xo bidomno.''

Hetê bînî ra wekîlanê DEM Partî Zekî Îrmez û Summeye Boz zî Colemêrg de binê abluqa de ANFyî rê rewşe erjnaye.