Temsîlkarîya Swîsre ya Partîya Newera Xelisîyayîşî ya Sosyalîste (SYKP) Basel de seba paştdayîşê bi Partîya Çep a Keske aktîvîteyêke viraşte. Serekê Rûmetî yê HDPyî Ertugrul Kurkçu, Hetkara Serekê AKPMyî û Wekîla BastA Sîbele Arslan, Wekîlê SPyî Mustafa Atici, Serekê Kantonê Baselî Bulent Pekerman, Wekîla Kantonê Baselî Edîbe Golgelî zî tede xeylêk kesî tewrê aktîvîte bîyî.

Serekê Kantoonê Baselî Bulent Pekermanî aktîvîte de qisey kerd û vat: ''Ma tîya de raya xo daye. Wa her kes welat de şoro raya xo bido. Nê weçînayîşî do dewrê neweyî bidê destpêkerdene.''

Serekê Rûmetî yê HDPyî Ertugrul Kurkçuyî zî vist vîrî ke Tirkîya de têkoşînê azadîye dewam keno û vat: ''Kam beno îqtîdar wa bibo têkoşînê ma do dewam bikero. Ma do têkoşînî her şertî de xurtêr bikerê. Ganî ma her çî rê amade bibê.''

Dima temsîlkaranê dezgehan sehne de venga pêro kesan da ke wa weçînayîşan de paştî bidê Partîya Çep a Keske. 

Peynîya aktîvîte de hunermendî Akin Ogûl, Denîz Elîtaş û Jûlîo Cesar Barbosa vejîyayî sehne ser. Beşdaran dima govende girewte.