Rayraşîyayîşê azadîye yo ke serkêşîya KCD, TJA, DBP, MED-TUHAD FED, MEBYA-DER û HEDEPî de  ver bi qezaya Gemlîkî ya Bursa dîyabi destpêkerdene, ewro zî dewam keno. Rayraşîyayîş seba azadîya Rayberê Şarê Kurdî Abdullah Ocalanî û çareserîya meseleya kurdan yeno kerdene. 

Baska Anqara ya Rayraşîyayîşê Azadîye seba azadîya Rayberê Şarê Kurdî Abdullah Ocalanî kewte rayîrî.

Xeylêk kesî bînaya HEDEPî ya Anqara de ameyî pêser. Polîsan otobusê çalakîkeran girê dayî. Naye ser o hemwelatîyî bi wesayîtanê taybetan kewtî rayîr. Rayraşîyayîşî ra ver Wekîlê HEDEPî yê Colemêrgî Onur Duşunmezî qisey kerd.

Duşunmezî vat: ''Ma seba wedaritişê tecrîdî ver bi Gemlîkî şinê. Se beno wa bibo ma do şorê Gemlîkî. Seba ke verê azadîyan abibo destê ma ra çi bêro ma do bikerê. Astengîyî, bendî, barîkatî ûsn. do pê ma nêeşkê. Ma do azadîya Rayberîye bîyarê ca.''

Dima girseyî sloganê ''Bijî berxwedana Îmraliyê'' berz kerd û bi wesayîtan ver bi Gemlîkî kewt rayîrî.