Semedê turê diyînî yê vîjnayîşan teberê welatî de raydayîşî dest pêkerd. Sîyasetmedarê kurdan Osman Baydemîrî veng da ke wa her kes raya xo bişuxulno.

Baydemîrî wina vat: “Ma yewna vîjnayîş xo dima verda ke şertanê edîlan de nêame kerdene. Çi heyf ke nika parlamento de hêzo gird destê şerwaştoxan de yo. La hema nêqedîya. Hema mor destê şima de yo, hema hêzo gird destê şima de yo. 28ê gulane de şima eşkenê hesab bipersê û verê faşîzmî bigêrê. Vîjnayoxê teberê welatî do mabênê 20-24ê gulane de rayanê xo bişuxulnê. Gerek ma raya xo bide û kesanê bînan zî semedê raydayîşî îkna bikerê. Ma xo vîra mekerê no vîjnayîş ê hesabpersayîş û rijnayîşê faşîzmî yo.”