Baydemîr û Bîrlîke rê 1 serre û 6 mengî hepis
Dadgerîya Tirkî parlamenteranê HDPyî yê verênan Osman Baydemîr û Leyla Bîrlîke rê 1 serre û 6 mengî cezaya hepisî daye.
Dadgerîya Tirkî parlamenteranê HDPyî yê verênan Osman Baydemîr û Leyla Bîrlîke rê 1 serre û 6 mengî cezaya hepisî daye.
Parlamenteranê HDPyî yê verênan Osman Baydemîr û Leyla Bîrlîke rê 1 serre û 6 mengî hepis ame dayene.
Serra 2015 de seba protestokerdişê qedexeyê tebervejîyayîşî yê qezayanê Sûrî yê Amedî, Kerboran ê Mêrdînî û qezayanê Cizîre û Silopî yê Şirnexî rayraşîyayîşêk amebi organîzekerdene. Dewaya ke derheqê parlamenteranê HDPyî Alîcan Onlu, Ayşe Acar Başaran, Osman Baydemîr û Leyla Bîrlîke yê ke tewrê rayraşîyayîşî bîbî qerarê ci dîya.
Dadgerî derheqê Baydemîr û Bîrlîke de resa qenaetê “muxalefetkerdişê Qanûnê Rayraşîyayîşanê Kombîyayîş û Numayîşan ê bi hûmara 2911î.” Dadgerî Baydemîr û Bîrlîke rê cezaya zîndanî ya 1 serre û 6 mengî daye, dosyayê parlamenter Onlu û Başarane zî cîya kerdî.