Hemserekê Konseya Rayberdişî yê  KCKyî Cemîl Bayikî aktîvîteye rê bi rayîrê sînevîzyonî mesajêk şirawit.

BAYIK: PKKYÎ TARÎXÊKO NEWE AFERNA

Bayikî vat: “Awanbîyayîşê PKKyî seba ma û şarê ma roşan o. Bi na wesîle ma roşanê Rayber Apoyî, şarê ma yê 4 perçeyê Kurdistanî û yê ke teberê welatî de yê, yê dostanê xo û yê heme mîlîtananê PKKyî pîroz kenê. Ma nê rojanê xo denydarê şehîd û qehremananê xo yê. Verê PKK û Rayber Apoyî kurdî bende bî. Têgêrayîşê ma nê halî serûbin kerd. Na yewe ra hêzê kolonyalîstî hemverê Rayber Apoyî û Têgêrayîşê ma de komployan virazenê.”

'GANÎ ŞARÊ MA YO KE EWROPA DE YO ANCÎ SERKÊŞÎ BIKERO'

Bayikî dewamê mesajê xo de vat: “Senî şarê ma yo ke Ewropa de yo serra 1999 de hemverê komplo de xover da, mucadele kerd û bedel da, ganî ewro zî hemverê komploya Amerîka de xover bidê û serkêşîya mucadeleyî bikerê. Bingeyê heme vurayîş û averşîyayîşanê ma de mucadele esto. Na yewe ra şarê ma her ca de ewro na slogana ‘PKK şar o, şar tîya yo’ erzeno. Kurdistan de her kes bi perçeyêkê nê mucadeleyî.

Hêrişê ke hemverê Rayber Apoyî de yenê viraştene eslê xo de hemverê şarê kurdî de yenê viraştene. Ganî şarê ma nê qebûl mekero. Bi nameyê kurd û Kurdistanî çi esto wazenê hemine raşte ra wedarê. Şarê ma nê qebûl nêkeno. Xora her şertî de îtîrazê xo ramojneno û do tîya ra tepîya zî ramojno.”

'GANÎ PÎROZKERDIŞÎ BIÎHTÎŞAM BIBÊ'

Bayikî ard ziwan ke PKKyî kayê hêzanê mîyanneteweyîyan xerepnayê û wina vat: “Semedê nê zî wazenê ke komplo bidomnê. Emser serra azadîya Rayber Apoyî û ya Kurdistanî ya. Ganî pîrozkerdişî zî zaf biîhtîşam bibê. Senî ke ma 40 serrî bi hêzê xo û bi bawerîya şarê xo mucadeleyê xo rê dewam kerd tîya ra tepîya zî ma do heme hêriş û komployan veng vejê. Şarê ma bi ewladanê xo yê fedakaran ganî hemverê dewleta faşîste, modernîteya kapîtalîste û kurdanê hemkarîperweran de mucadeleyê xo vejo dereceyêka hîna berze.”