Hemserekê DBPyî Keskîn Bayindir seba fînalê turnuvaya Gulîstane Doku şi qezaya Silopî ya Şirnex. Wekîlanê DEM Partî Newroze Uysal û Mehmet Zekî Îrmezî Bayindir pêşwazî kerd. Bayindirî û girseyî bînaya DEM Partî ra heta Merkezê Kultur, Ziwan û Hunerî yê Ayşe Şan rayraşîyayîş kerd. 

Dima Bayindirî xîtabê girseyî kerd û vist vîrî ke hêrişê dewleta tirke de, Silêmanî de di rojnamegerî bi barbarî ameyê qetilkerdene. Bayindirî pare kerd ke kurdî do vera hêrişanê winayênan têkoşînê xo rê dewam bikerê û vat: ''Hêzê nê hukmatî nêmendo. Serkewtiş do ê kurdan bibo.''

Qiseykerdişê Bayindirî ra dima girseyî bi slogananê sey ''Şehîd namirin'' hêrişê Silêmanî şermezar kerd.

Dima girse seba seyrkerdişê maçî derbazê Salona Sporî ya Şaredarîye bi.