Endamê Komeleya Huqûqnasan a Seba Azadîye (OHD) avûkat Abdullah Azad Gurbuzî derheqê tecrîdkerdişê Rayberê Şarê Kurdî Abdullah Ocalanî de ANFyî rê qisey kerd.

Gurbuzî pare kerd ke rewşa zîndanan xirab a, zîndanan de bi tecrîdî têkilîya tepişteyan bi teberî yena birnayene û vat: ''Serranê peyênan de hûmarê zîndananê S û Yyî zêdîyayê. Tepişteyî 22-23 saetan hucreyê yewkesî de manenê. Tepişteyî nêeşkenê asmênî zî bivînê. Xûlasa tecrîdê zîndanan beno giranêr. Tecrîd, bêexlaqî û bêhuqûqîyî Îmraliyî ra dest pêkerd û vilayê her cayî bîyî. Zîndananê bi tîpê S yan zî Yyî de tecrîdê Îmraliyî yeno caardene.''

Gurbuzî îfade kerd ke verê îdareyanê welatî de di rayîrî est bîyê; oyo yewin îdareyê goreyê demokrasîyî yo û oyo bîn zî îdareyê goreyê ferasetê faşîzmî yo. Gurbuzî vat: ''Îdarekaranê zîndanî tim oyo diyîn weçîna. Seba ke warê mîyanneteweyîyî de waştişê cuya azade teyna yeno verdayene kaosêko pîl virazîyeno. Ganî hîna zaf bêro teşhîrkerdene ke seba ke estbîyayîşê kurdan nêno şinasnayene Tirkîya kewta çi halî. Ganî vera ney têkoşîno demokratîk bêro pîlêrkerdene.''