Tepişteyê Zîndanê Wanî Seyfettîn Demhato ke nêweşê FMFyî yo nêno veradayene. Demhat 2016 de bi îdîaya 'endamîya rêxistine, vera polîsan vejîyayîş û hetkarîya rêxistine' tepişîyabi û ci rê cezaya zîndanî ya 26 serran dîyabi. Demhat de nêweşîya Adirê Akdenîzî (FMF) est o. 

Cinîya ey Tuba Demhat ard ziwan ke eke mêrdeyê ci nêro dermankerdene beno ke gurçikanê xo ra bibo. Tuba vat: ''Wexto ke o stres beno, stres dano gurçikanê ci ro. Rixmê nêweşîyanê ci zî heqê mêrdeyê mi zîndan de yenê binpaykerdene. Ey vat ke wexto ke ê şinê rovarî, awe birîyena, vayê berhemanê kantînî vay ê û şertê zîndanî giranêr benê. 

Ma seba tehlîyeya mêrdeyê mi zaf reyî muracat kerd. Domanê mi rewşa babîyî ra dejê psîkolojîkî ancenê. Ganî pêro tepişteyê sîyasîyî vera bidîyê. Ez ereb a la wayîra têkoşînê mêrdeyê xo vejîyena. Ganî keyeyî wayîrê têkoşînê ewladanê xo yê tepişteyan vejîyê. Ganî bala her kesî zîndanan ser de biba.''