Bi wesîleya serrgêra ronayîşê 40. ya Partîya Karkeran a Kurdistanî  ya ke 27ê Teşrîna peyêne ya 1978î de ameya ronayene, roja yewşeme Berlîn de şayîyêk ameye viraştene. Polîsan eşt şewe ser hunermendî zî tede xeylî kesî destbend kerdî.

Wexto ke hunermendo ciwan Muharem ame destbendkerdene, maya ey krîzê qelbî girewt. Pîyê ê zî hetê polîsan ra ame derbkerdene.

Komîteya Hadreyîye bi eşkerayîyêk  nizdîbîyayîşê polîsan o provakatîf şermezar kerd û da zanayene ke ê do seba destbend  û derbkerdişan muracatê rayeyanê huqûqîyan bikerî.

Hemserekê NAVDEMî yê Berlînî Yeko Ardilî zî vera hêrişê polîsan reaksîyon ramot û va:‘‘Bi hezaran kesî bi keye û domananê xo semedê roşanê xo fîrazkerdişî ameyî têhet. Hunermendê sey Hozan Dîyar, Bangîn, Bulent Turan, Xece û Muharemo Ciwanî û grûbê foklorî zî tewrê şewe bîyî û şewe bi coş û keyfî qedîyaye. La polîsanê Berlînî destpêkerdişê şewe ra zextê xo ca nêverda û tewr peynî de zî hêriş kerd. Çîyê winayênî nênî qebûlkerdene. Ê se kenî wa bikerî ma çirey milê xo verê zextê nînan de çewt nêkenî.‘‘