Rayraşîyayîşo Dergo ke sey tradîsyonêkî her serre seba azadîya Rayberê Şare Kurdî Abdullah Ocalanî yeno kerdene, emser mabênê 7-11ê sibate de Fransa de şaristanê Sierentzî ra heta Strasbourgî bi şîarê ''Ma do pê îradeyê ciwanan ê Apogîran Rayber Apoyî azad bikerê'' do bêro kerdene.

Rayraşîyayîşo Dergo ke rayberîya ciwananê kurdan ê Ewropa de 20 serrî yo yeno kerdene emser çarçewa Hemleya 'Werin Cenga Azadiyê' de bêro kerdene. Wina pawîyeno ke Fransa, Almanya, Swîsre, Avustuya, Îngilîstan û pêro Ewropa ra bi seyan ciwanî tewrê rayraşîyayîşî bibê. Komîteya amadekarîye derheqê rayraşîyayîşî de eşkerayîyêke daye.

Eşkerayîye de ame parekerdene ke faşîzmê dewleta tirke ya kolonyalîste Kurdîstan de resa asta tewr pîle, tecrîdê vera Rayberê Şarê Kurdî ame girankerdene. Eşkerayîye de venga pêro ciwananê kurdan û enternasyonalîstan ame dayene ke tewrê çalakîye bibê.

Komîte eşkera kerd ke ê do pê çalakîya xo mesajî bidê dewletanê Ewropa û vat: ''Ma sey ciwananê kurdan û enternasyonalîstan bêrê pêser û vera kapîtalîzm, faşîzm û kolonyalîzmî bi xoverdayîşêkê pîlî do ser bikewê.''

Ciwanî seba Rayraşîyayîşê Dergî 5ê sibate de Kantonê Baselî yê Swîsre de kom bibê.

Bernameyê Rayraşîyayîşê Dergî wina yo:

05.02.2022/Kombûn/Elsässerstrasse 215a 4056 Basel, Swîsre,

06.02.2022/Sierentz-Mulhouse

07.02.2022/Mulhouse-Colmar

08.02.2022/Colmar-Ostheim

09.02.2022/Ostheim-Sélestat

10.02.2022/Sélestat-Erstein

11.02.2022/Erstein-Strasbourg