Serkêşîya HDK, KCD, TJA, HDP, DBP û MED TUHAD-FEDî de bi şîarê ''Ma vera sîyasetê tecrîdî semedê pawitişê azadîye ver bi Gemlîkî şine'' Rayraşîyayîşê Gemlîkî ame organîzekerdene.

Îstanbul de bi hezaran kesî semedê Rayraşîyayîşê Gemîlkî yo ke semedê azadîya Rayber Şarê Kurdî Abdullah Ocalanî yeno kerdene Kadikoy de ameyî tehet û dest pê rayraşîyayîşî kerd.

Hemserekê HDPyî Esengule Demîr û Cengîz Çîçek, Hemserekê KCDyî Berdan Ozturk, Hemserekê DBPyî Salîha Aydeniz û Keskîn Bayindir, Hemserekê HDPyî Pervîne Buldan, Hemserekê HDPyî ya Îstanbulî Îlknure Bîrol û Ferhat Encu, wekîlê HDPyî, aktîvîstê TJA, îdarekar û endamê  SYKP,  ESP û Partîya Şorişgêre tewrê rayraşîyayîşî bîyî.

Bi hezaran polîsan Kadikoy girewto binê ablûqa rixmê nê şarî barîkatî rijnayî û  ver bi Kuçeyê Bahariye rayra şino. Kuçeyê Kadikoyî bi slogananê xoverdayîş û azadîye zimenî.

Yewna grûbe zî verê Peykerê Gayî ra  bi slogananê ''Biciwîyo Rayber Apo'' ver bi Kuçeyê Çilekî şina. Rayraşîyayîşê Gemlîkî bi tewrbîyayîşê bi hezaran kesan heme kuçeyanê Kadikoyî ra vila beno.