Çalakwanê herêma Serhedî seba Rayraşîyayîşê Gemlîkî Wanî ra serkêşîya Kongreya Demokratîke ya Şaran (HDK), Kongreya Komeleê Demokratîkî (KCD), Têgêrayîşê Cinîyan ê Azadan (TJA), HDP, DBP û MED-TUHAD-FEDî de kewtî rayîr û înan mesajê ''Se beno wa bibo ma do şorê'' da.

Raywanîye ra ver bi şîarê 'Ma do vera polîtîkayanê tecrîdî, seba pawitişê azadîye ver bi Gemlîkî şorê' bînaya HDPyî ya Wanî de eşkerayîyêke ameye dayene.

Wekîla HDPyî ya Agirî Dîlane Dîrayet Taşdemîr eşkerayîye de qisey kerd û pare kerd ke dewlete xîret kena ke Rayraşîyayîşê Gemlîkî asteng bikera la ê do rayraşîyayîşê xo rê dewam bikerê. Taşdemîre vat: ''Şima do bi pêro hêz, barîkat û çekanê xo pê ma nêeşkê.''

Eşkerayîye ra dima baska herêma Serhedî siwarê wesayîtan bîye û ver bi Gemlîkî kewte rayîr.