Fuhuş û madeyanê kundoxî reyde kerdişanê şerê taybetî yê dewleta tirke ra yew zî ferzkerdişê ajanîye yo. Mîyanê 8 serranê peyênan de ferzkerdişê ajanîye zêdîya.

Goreyê raporanê Komeleya Heqanê Merdiman (ÎHD) teyna mabênê serranê 2015 û 2021î de 952 kesan rê ajanîye ameya ferzkerdene. Goreyê doneyanê çapemenîye serranê 2022 û 2023yî de tay kesan xo sey polîsan mojna, bi seyan welatperwerî tepiştî û nînan rê ajanîye ferz kerde.

Polîsî bi taybetî seba ajanîye verê xo danê cinî û ciwanan. Seba ajankerdişî metodê cîya-cîyayî şuxilîyenê ke nînan ra tayênî wina yê:

''-Pêşnîyazkerdişê pereyî

- Pêşnîyazkerdişê gure û malî

- Cinîyan rê gefê tecawuzî û vilakerdişê dîmenanê tecawuzî

- Şuxilnayîşê meseleyanê keyeyî

-Keyeyan rê gefwendiş

- Bi tepiştişî gefwendiş

- Wendekaran rê pêşnîyazkerdişê kar û gureyî.''