Wekîlîya Wekîla HDPyî ya Amedî Semra Guzel Heyetê Pêroyî yê Meclîsî de netîceya rayanê AKP-MHP û ÎYÎ Partîye de amebî betalkerdene. Bira betalkerdişî Rojnameyê Fermîyî de zî weşanîyaye.

Bire de wina yeno vatene: ''Raporo ke Komîsyonê Hemparî yê Endamanê Komîsyonanê Qanûnê Bingeyî û Edaletî  derheqê wekîlîya Semra Guzel de amade kerdbi, seba ke 2022 de beşdarê 6 komîsyonanê Heyetê Pêroyî yê Meclîsî nêbi goreyê madeyanê 84. yê Qanûnê Bingeyî tarîxê 22ê kanûna 2022yî de ame qebulkerdene.''