Bîrecîk de yew tera keya 7 kesî gîrîyayî binê nezaretî
Cendirmeyanê ke eşt serê mehlayêka sînorî ya bi nameyê Zîyaretî keyayê dewe zî tede 7 kesî girewtî binê nezaretî.
Cendirmeyan mehlaya Zîyaretî ya pabesteya qezaya Bîrecîkî ya Riha de eşt serê keyeyan, keya Hişman Kiliç, Sadûn Kiliç, Salîh Karayilan û Sabahattîn Karayilan zî tede 7 kesî girewtî binê nezaretî.
Kesê ke hewna sebebê binçimgîrîyayîşê înan nêno zanayene ameyî berdene bi fermandarîya cendirmeyan a qeza.
