Koordînasyonê Weçînayîşî yê Brîtanya vist vîrî ke mabênê 20ê gulane de do London, Manchester, Leicester û Edinbourgh de seba weçînayîşê serekkomarîye yê Tirkîya raydayîş bi şîarê 'Dîktatorîye vindarnê, tarîxî binusê' dest pêbikero.
Koordînasyonê Weçînayîşî yê Brîtanya yo ke komeleyanê elewî, kurd, çep, şorişgêr û herêmîyan ra yeno pê, seba turê diyînî yê weçînayîşê serekkomarîye yê Tirkîya dest pê amadekarîyan kerd.
Brîtanya de seba raydayîşê turê diyînî mabênê 20 û 24ê gulane de sindoqî do bêrê ronayene. Seba raydayîşî Merkezê Komelê Kurdan, Day-Mer, Federasyonê Elewîyan ê Brîtanya, Cemxaneyî ra bêpere weçînitoxî do bêrê berdene bi cayê raydayîşî.
Raydayîş 20ê gulane de saete 08.00 de do dest pêbikero û 24ê gulane de saete 22.00 de biqedo.
Brîtanya de ca û adresê raydayîşî wina yê:
London:
Novotel London West
1 Shortlandıs Hammersmith W6 8DR
Manchester:
14 Oxford Court M2 3WD
Leicester:
Tigers Rugby Club,
Mattioli Woods Welford Road LE2 7TR
Skoçya
Edinburgh:
39 Drumsheugh Gardens, EM3 7SW
Koordînasyonî ra Dogan Gençî ANFyî rê qisey kerd û ard ziwan ke turê diyînî yê weçînayîşê Serekkomarîye de ganî pêro kurdîstanij û tirkîyayîjî erkê xo bîyarê ca û raya xo bidê.
Hemsereka Merkezê Komelê Kurdan ê Londonî Turkane Budak zî îfade kerd ke ganî şar bêhêvî, bêmoral nêbo, seba qedînayîşê nê rejîmê dîktatorîye têbigêro û heta 203e gulane seferber bibo.
Vervatoxê Merkezê Komelê Kurdan û Tirkan (Day-Mer) Feyzullah Canpolatî vat: ''Çar hetanê Brîtanya de raydayîş do bêro kerdene. Ma reyna venga şarê xo danê ke raya xo bido. Seba ke welat dîktatorîye ra bixeliso, ma raya xo bidê û tarîxî binusê.''
