Partîya Çep a Keske Wan de mîtîngê fînalî kerd. Se hezarî ra zafêr kesî tewrê mîtîngî bîyî. Hemsereka Pêroyî ya HDPyî Pervîne Buldana ke mîtîngî de qisey kerd vat siba do biba rojêka rinde, siba do tarîx bêro nuştene. 

Buldanê nê vatî: "Siba ma do wayîrê îradeyê xo bivejîyê. Ma do rayanê xo bişuxulnê û Partîya Çep a Keske bikerê partîya yewin a Tirkîya.  Morê xo wina bidê binê dara Çep a Keske rê ke wa talankerî, qeyûmkerî, dizdî şorê.  Paşta mi şima ra pêt a, şima do dişmenanê kurdan bişawê. Ma tîya de yê, ma estbî, ma est ê, ma do bibê. Siba do qederê ma pêrune bibedilîyo. Rayêka xo bidê Çep a Keske, raya bîne semedê wardayîşê Erdoganî bişuxulnê. Ê do şorê û peyser amegêrê.  Ma do pîya bi Çep a Keske sey mîlyonan bêrê."