Pêvînayîşê heyetê HDP’yî yê Almanya rayberîya hemsereka Pêroyî ya HDP’yî Pervîn Bûldane de dewam kenê. Heyêto ke Bûladane ya pîya parlamentere Feleknez Ûca, parlamentero verên Faysal Sariyildiz, hemereka verêne Leyla Îmrete, û temlîskarê partîye yê Ewropa Farûk Dorû tede ca gênê ewro merkezê Partîya Çepe de hemserek Berndt Rîexîngerî dir pêvînayîş viraşt.

Pêvînayîşî ra dima Bûldane eşkerayîyêk daye û bale antê qerarê YSK’yî yê Stenbolî ser û va: ‘‘Ma do weçînitişê şaredarîye yê Stenbolî yê 23’ê Hezîrane de paştî bidê yewîya  hêzî ya demokratîke. Reyna vînkerdişê AKP’yî semedê ma  muhîm o.''

Hemserekê Partîya Çepe ya Almanî Berndt Rîexîngerî zî ard ziwan ke ê sey her tim paştî danê HDP’yî û va: ‘‘Ma ûmid kenê ke Erdogan do reyna vîn bikero. Vînkerdişê ey semedê demokratîkbîyayîşê Tirkîya gameka muhîm a.‘‘ Rîexîngerî bale ante grevê vêşanîye ser û vat ke ma ganî destûr medê heqê tepişteyan bêrê îxlalkerdene û binê tecîdî de bêrê tepiştene.