Buldane: Ma tecrîdî zî faşîzmî zî birijnê

Hemsereka Pêroyî ya HDPyî Pervîne Buldan Konferansê Meclîsê Cinîyan ê HDKyî de qisey kerd û vat: ''Eke tecrîd bêro şiknayene faşîzm zî şikîyeno.'' Buldane venga cinîyan da ke vera sîstemê camêrdan rawurzê.

Hemsereka Pêroyî ya HDPyî Pervîne Buldan Konferansê Meclîsê Cinîyan ê HDKyî de qisey kerd. Konferans salona çalakîye ya Mîra Palasî ya Avcilarî de ame kerdene.

Bi kilmî qiseykerdişê Buldane wina yo:

''Her kongreya newîye hêz dana têkoşînê hemparî yê cinîyan. HDKyî 81 şaristanan de rêxistinîya xo kerde, têkoşînê xo resna astêka berze. HDK merkezêko winasên o ke kurdî, elewîyî, cinîyî û pêro beşê komelî eşkenê tede sîyaset bikerê. Têkoşînê cinîyan ê HDKyî zaf girîng o.

Eke tecrîd bêro şiknayene faşîzm zî şikîyeno. Temamîya tarîxê têkoşînê ma yê sîyasetê demokratîkî de êyê ke nênê yewca seba ke hêzê ma bieşkê tim yewnê yewca. Partîya ma verê qefilnayîşî de ya. Qet bingeyo huqûqî yê na dewa çin o. Tek sebebê na dewa sîyasetê ma yo pak o. Çunke ma polîtîkayanê gemarinan ê îqtîdarî teşhîr kenê.

Ê do nêeşkê HDP vindarnê. Vera îtîfaqê faşîstî û dişmenê cinîyan ma xo mîyanê HDPyî de rêxistin bikerê. Wextê ci yo ke ma vera sîstemê talanker û mafyayan bibê yew.''