Rêxistina Îstîxbaratî ya Swîsre (SRC) Raporê asayîşî yê 2024î eşkera kerd. 

SRCyî rapor de bale ante rewşa Rojhelatê Mîyanênî ser û ame parekerdene ke şerê Îsraîl-Hamasî ra herême bi xurtî lerzena.

SRCyî rapor de da zanayene ke DAÎŞ û El Qaîde hema zî seba dinya tehluke yê û herême û zîndananê Sûrîye de hema zî endamê DAÎŞî est ê. 

Rapor de ame parekerdene ke Swîsre de kar û xebatê PKKyî yenê teqîbkerdene û PKK sey temsîlkarê şarê kurdî ame pênasekerdene. SRCyî vat: ''PKKyo ke temsîlkarê kurdan o bingeyîn o, Ewropa de seba şinasîyayîşê nasnameyê kurdan têkoşîn keno û nê têkoşînî de şîdetî red keno. 

PKK pabesteyê armancê xo yo ke wazeno lîsteya rêxistinanê terorî ya Yewîya Ewropa ra vejîyo û seba nê armancî xebitîyeno. PKK sozê xo de vindeno û şîdetî red keno. Eke rewşa Rojawan û Başûrê Kurdîstanî xirab biba yan zî derheqê PKKyî de serebûtê neweyî biqewimîyê beno ke PKK karanê bêşîdetan Ewropa de zêde bikero.''